நெறிமுறைகளும் திருத்தங்களும்

வெளியிடும் முன் சட்ட ஆலோசகரின் பரிசீலனைக்கான வரைவு.

துல்லியமும் ஆதாரங்களும்

ஒவ்வொரு தகவலும் குறைந்தது ஒரு நம்பகமான ஆதாரத்தில் சரிபார்க்கப்படுகிறது. அந்த ஆதாரங்கள் ஒவ்வொரு கட்டுரையின் இறுதியிலும் பட்டியலிடப்படும். நாங்கள் எங்கள் சொந்தச் சொற்களில் எழுதுகிறோம்; பிறர் சொன்னதைச் சுருக்கமாக, சொன்னவரின் பெயருடன் மட்டுமே மேற்கோள் காட்டுகிறோம்.

செய்தியும் கருத்தும் தனித்தனி

செய்திகள் நடந்ததை மட்டுமே சொல்லும். எங்கள் பார்வை “எங்கள் பார்வை” என்ற பெட்டியிலோ, வேறு தலைப்பு எழுத்துருவுடன் வரும் கருத்துப் பகுதியிலோ மட்டுமே இருக்கும்.

நேர்மை

ஒரு தனிநபர் அல்லது அமைப்பு மீது கடுமையான குற்றச்சாட்டு உள்ள செய்தியில், அவர்களின் பதிலைச் சேர்க்க முயல்வோம்; பதில் கிடைக்கவில்லை என்றால் அதையும் குறிப்பிடுவோம்.

திருத்தங்கள்

தவறு நேர்ந்தால், கட்டுரையைத் திருத்தி, என்ன மாற்றப்பட்டது, எப்போது என்பதைக் கட்டுரையின் இறுதியில் குறிப்பிடுவோம். பிழையைத் தெரிவிக்க tamilmediawatchers@gmail.com என்ற முகவரிக்கு எழுதுங்கள்.

நாங்கள் பின்பற்றும் விதிமுறைகள்

இந்தியப் பத்திரிகை கவுன்சிலின் இதழியல் நடத்தை நெறிமுறைகளையும், தகவல் தொழில்நுட்ப (இடைநிலையாளர் வழிகாட்டுதல்கள் மற்றும் டிஜிட்டல் ஊடக நெறிமுறைக் குறியீடு) விதிகள், 2021-இன் கீழ் டிஜிட்டல் செய்தி வெளியீட்டாளர்களுக்கான நெறிமுறைக் குறியீட்டையும் பின்பற்ற முயல்கிறோம்.